Walirraa Fagoodha

Wal irraa fagoodha!

Tusiidha fi hurruma
Dhalachuuf dulluma
Silgaa fi baakkudha
Teepha fi taakkudha

Daabboo fi bulluqa
Utaalcha fi hulluuqa
Fardaa fi lafoodha
Bogee fi kofoodha

Boo’ichaa fi sirba
Mixiidha fi arba
Ifaa fi dukkana
Gubaa fi qabbana

Dachii fi samiidha
Arguu fi hamiidha
Lagaa fi Sulula
Tabbaa fi dhundhula

Waluma cinaallee margu
Fagoodha waluu hin argu!
tilmaama haa keenyu
Jarri kuni lamaan eenyu?

Leave a Comment

Your email address will not be published. Required fields are marked *

Scroll to Top