๐ ๐ฎ๐พ๐ฎ๐ฎ ๐๐๐ป๐ป๐ฒ๐ฒ!
Ulfina jaarraa baayโee, kabajaa gadaa michuu;
Qananii qabu fooyyee, duudhaafi aadaa kichuu;
Mee irraa dubbanna: bakka jirru, bakka geenne;
Safuufi cubbuu danuu, nyaaphni nun dhageenne!
Waan kaayyoo eeloftee,
Waan aayyoo beeloftee,
Isinitti himna gurra kunnee,
Seenaa bade, maqaa dunnee!
-/-
Kaleessa dureettii, ummata hundatuu sibeekaa;
Harโammoo dhabdeeti, namni quba itti akeekaa;
Harki durii sun haphatee, hamileen isii bututee;
Dhabni humna horatee, hiyyumni itti guntutee!
-/-
Duraan kaamettii, itti areertee booharsita deegaa;
Amma immoo koโeettii, situ harka namaa eegaa;
Dur durii taate jiruun, adaa barri hin jijjiiramaa;
Hafte waliif hiruun, gadaa qilleensa faalamaa!
-/-
Qoraaftee, foysitee,
Bobbaaftee, tiysitee,
Obaaftee, dheechiftee,
Dhibbaan himtaa,
Sagaltama yaaftaa,
Sagaliin elmattaa,
Sagaliin loltee,
Sagalee toltee,
Maaxarii holtee,
Namuu sibirโataa,
Gamnuu sisodaataa,
Sabnuu siin onnataa,
Maraan hawwatamtee,
Hundaaf abdatamtee,
Dabaatti gootomtaa,
Dhabaatti arjoomtaa,
Kennitee hin finโee,
Dhokattee hin linโee,
Elemtutti elmitee, aannan miโii namaaf laattaa;
Harkikee kennee hin buโu,
Harkikee conee hin guโu,
Muchi saawwan kee otticha,
Garaan kee yoos tokkicha,
Dhaba simararaa,
Dhaba siwareeraa,
Kennuuf muddamtaa,
Kennuuf hudhamtaa,
Kennuuf muโamtaa,
Lamatti hin beeytu,
Namatti hin akeeytu,
Namatti hin ilaaltu,
Qalbiin siroraโaa,
Laphee siboojiโaa,
Garaan sirarraโaa,
Yaa rabbii! dhabaa bitii,
Ayii! Dhaba hundee citii,
Harโihoo! kaleessaa mitii,
Atuu koโoomattee, harka namaa keessa ilaaltaa;
Jireenna akka gaararraa jijjiiramuun maal jennaa?
Eentu baaduu waliif areeree, miโii ollaaf kennaa?
Leetoon ni qaqalโatee,
Haaxoon wal-hanqatee,
Sameessiโฆsamaa hafee,
Addeessiโฆdhamaa kufee,
Taatullee aadaan cabuu hin qabuu;
Namni waa kennu waa hin dhabuu!
Kennuufi fudhachuun, kennaafi fudhataa hayyisaa;
Kennaa walirraa fudhaa, waan qabdan wal-uyyisaa;
Malee! harโa ilaalanii, kaleessa dagatuun hin taatuu;
Kalee dagatanii, harโa ilaanii, boru akkamiin jiraatuu?
Dhabaniifi argatanillee,
Hammaaraniifi hammaatanillee,
Qabeenni hin dhumaa, firri wal-biratti hinyaatuu!
-/-
Aayyoo kullittaa dachaa, aabboo gumbii guddaa;
Oromoo abbaa qachaa, Oromoo ummata hundaa;
Burreen kee nisaamamee, daโoon haadha quufaa;
Qeโeen kee hadiyyoomee, Waasho abbaa suufaa.
Sitti agarsiisanii, siin cuullifatanii,
Sitti morsiisanii, siin luuccifatanii,
Sitti marsanii, sitti hobbaafatanii,
Wanta laphee gubee, garaa nama nyaatuu,
Ati ni agarta malee, tasumaa hin argattuu,
Ati hin jirta malee, gonkumaa hin jiraattuu,
Gaafa ati lafatti kufte, guyyaa ati jiiydee,
Oromoon leeyyaโe, Oromiyaan dhiiydee,
Imimmaan ina hin qooru, ormi sidiiydee!
-/-
Musiibaa addunyaa, kan gamtaan muudanne;
Osoo ofirratti hin beekkatin, alagaan gufanne;
Kan namarraa hin cinne, balaa akka maleesaa;
Yaa rabbii furi! nuttin deebisin tan kaleessaa!
-/-
Yatiimni hanga hin qabu, kan badheetti facaโe;
Kaan maatii dhiisee godaane, deemees harcaโe;
Rakkoon keenna xaxaa, beekamee hin baxxaaโu;
Mirga keennaaf dubbanna! lafarraa nu haxaaโu!
-/-
Balaa kana hifattee,
Dhiibbaa kana mufattee,
Akkanatti hin jiraattuu,
Akkaaf haa falmattuu,
Diinni lafa hin buusuu,
Xiqqoo harma hin guusuu,
Kaballaan dhabanaasaa,
Waraanee finna ajjeesaa,
โNurraa fixaa fixaa,โ jetti daaโimni hadhooftee;
Bara dheeraa dinqiin, jiraachuuf kan hawwitee;
Barattee fala taโuuf, biyyarraa duuchuuf qaawwa!
Walabummaa dharraatee, Bilisummaa hawwaa!
-/-
Roorroo baasa baaftee, roorroo diinqa ol-seente;
Roorroo diinqa seente, birmadummaa maseente;
Daaโimman jibbitee jirti, dhaloonni qubee nuffee;
Siyaasa huuban kaafne, siyaasa keessi hashuffee!
-/-
Amaanaa maatii isiitiif, hargansuun koobsitee;
Imimmaan dhugaa isiitiif, dallansuun roobsitee;
Namni kana argee, birmatee ofitti hin waamuu;
Aayyoo garaa bishaanii, booyichirraa hin caamuu!
-/-
Daaโimman kichuu, dhaloota fufiinsaafi hegeree;
Dhawaata labata dhaalu, finna carraafi dabaree;
Abdii gurraacha Afrikaa, Oromticha kufee kuffisu;
Seera gadaan boonaa, halangeefi siinqee mulโisu!
-/-
Manguddoonni, gurraacha garaa garbaa kadhatu;
Leenca Oromiyaa, qeerransa Oromoon dhaadatu;
Kallacha addatti hidhatee, ayyaana waaqaa milโuu;
Bakkalcha bariitti siqatee, dhiifama gaafata hirโuu!
-/-
Biyya ofii faarsitee, ummata ofiif weeddisaa;
Guddina hawwitee, misooma biyyaa leellisaa;
Imimmaan dhangalaasaa, wal-tajjii yoo kortu;
Yeedaloo yaaโaan, yaada yaaโiin hamilee hortu;
Magariisa kuttee, marga coqorsa jiidhaa misaa;
โMaddaafi marga haa jiisu,
Roobee haa magarsiisu,
Kan elmattan haa dhalu,
Kan bobbaaftan haa galu,
Sangaan waanjootti,
Dhaltiin okoleetti,
Ooyiruun daraartee,
Ooyidiin baraartee,
Callaan gumbii haa guutu,
Nama hundaa haa dabartu,
Afuu! Afuu! jedhaa,โ jette masoo waliif dhiisaa;
Miโaayaa dubbattee,
Miidhagaa uffattee,
Ilmoo booharsitii,
Orma hinaafsiftii,
Bobaa qirqirsitee,
Kophaa mirmirsitee,
Abdii jala qabdee,
Ilillii dura dhaabdee,
Ofitti qabdee fuunfattii,
Olitti dabdee dhuunfattii,
Imimmaan lolaasaa,
Faaruu dhangalaasaa,
Faajjii gadaa bifa gurraacha, diimaa, adii;
โAraara! araara! araara!โ jette yeroo sadii;
Haguuggaa seenaatiif, dibata cobsiiftee;
Ummata balโaafis, Ilillii daraare raabsitee.
-/-
Finna bara dheeraaf, imimmaanis gaddaa;
Salphinni hin dhumuu, dabareenis maddaa;
Kichuun afaan itti bara, kanarraa yaaddaโaa;
Dhaloonni lattuunis, godaannisa madaaโaa!
Qonyonyaa hin fayyuu,
Kamirraa hin wayyuu,
Siyaasa dhullaaโaa,
Siyaasa malaโaa,
Afaan itti hiikkata,
Afoolasaa dubbata,
Siyaasan ballaga,
Siyaasan baalaga,
Siyaasa eelaโaa,
Siyaasa beelaโaa,
Siyaasa qoโata,
Siyaasa qorata,
Siyaasa biifa,
Siyaasa shafa,
Siyaasa kura,
Siyaasa ura,
Siyaasa hamoommata,
Siyaasa areerrata,
Siyaasa gondolcha,
Siyaasa gangalcha,
Osoo ol-guddatee, bultiisaa hin ijaarre;
Osoo dubbatee, hawwiisaa hin agarre;
Dardarri meeqa cabeeโฆ, mataan taโe arrii;
Halkuu gubataa, guyyuu hin mulโatu aarrii!
-/-
Jireenna xaxamaa, furgaafama dide hin hiikamuu;
Dhaloota ittiin sakaalanii, furtuunsaa hin argamuu;
Mandhee maandhaa hin qabne, guddisa faalloome;
Isuma waaqabu huruursa, dhuunfaa ofii aangoome!
Gadamoojjii warri umriin turaa,
Rakkoo nuffee biyyatti xuuraa;
Daaโima kichuu lalanjee corqaa,
Adda kufee imimmaan corroqaa,
Finni afaan hin beeyne,
Labanni daba hin eeyne,
Daaโimman qoma gororaa,
Hin buufanne handhuuraa,
Sabiyyiiwwan waa hin beeyne, dhibee kana aadaa;
Filannoo hin qabuu,
Hidhannoo hin cabuu,
Lubbuusaa baraaruuf, riphee bosonaaf gaadaa!
-/-
Ilmi namaa jaalatee, daggalatti hin aseenuu;
Osoo dhaluu qabuu, wallaalee hin maseenuu;
Roorroo diinaa jibbee, hadhaa mukaa filatee;
Mooyachuuf cita godaanaa, diinasaa jifatee!
-/-
Lafarraa balleessuuf, mootii irree rasaasa kuru;
Dhaloonni morkataan, tasumaa abdii hin muru;
Hongeen goggogee badus, bosonni agadaa;
Garaan dhabee hin oolu, gursummii araadaa.
-/-
Washoon namarra jiru, hubboon hin guutamne;
Guyyuu itti gattumtus, ifaajjiin isaa hin dhumne;
Qileen dhala namaaโฆ, nyaatee dhuguuf gaadaa;
Ruhiin beela hin bultu, barii nyaata barbaadaa!
-/-
Bara kiyyatti taโee moo? barri barmaatii kiyya;
Seenaa cinaan lagee, kan seene qaroon kiyya;
Beekumsi baayโatus, lakkoofsan quba harkaati;
Balโisee gogiinsa horataa, dhiphina sammuuti.
-/-
Warroonni baratanii, qabxii barumsaa heddu baatan;
Beekumsa nutti donyโoomanii, furmaata hin laatan;
Osoo akka rifeensa mataa, lammiin bare baayโatu;
Maaliif taana? โgowwaa bishaan biraa dheebotu,โ
-/-
Hayyuun qaroo dachaa, isa inni fagootti waa argu;
Maaliif dura ilaalee, mulโata dhalootaa hin raagu?
Maaliif ijji keenna jaamee, miilli keenna sakaalama?
Maaliif faana nurraa hin kutu, deebiโa takkaalama?
-/-
Jijjiirama mataa isaatiif, guyyuu inni kaatu;
Beekaan maraa miti, marti walin fakkaatu;
Beekumsi jireennaa! isallee hin tuffannee;
Beekaa keenna dabee, shirasaa mufannee!
-/-
Nuti seenaa himnaa, seenaa hin hojjannuu;
Aayyoo beelli dhaalee, dafaa haa birmannuu;
Rakkoo teessan dhoysaa, galaa ceeku baadhaa;
Aayyoo beela baafnaa, waan horattan laadhaa!
-/-
Sabbanni hidhatte, muldhii isii muree nyaatee;
Dubartiin haadha hundaa, yoo kabajje haatee;
โRap! rap rap,โ gootee buufti imimmaan danuu;
Beelli itti jiruus, yeroo tasa namaaf hin kennuu.
-/-
โBeela qabaโฆ,โ jettee garaa nutti hin himne;
Falmitti cichitee, dhugaan biraa hin timne;
Marโimaan jaalalaa, jirbiin xaxxee hidhatte;
Imimmaan taliilaa, irbuun martee miixatte!
-/-
Qeerransittii burree, garaa aayyoo dhale;
Hidhadhittii surree, karaa kaayyoo male?
Isaan duudhaa kabaju, sabbanni wayyuu;
Ija hidhaa kabalu, bade ayyaanni hayyuu!
-/-
Dubartiin wayyuudha, sodaa nijabeessu;
Yeroo ammatti hayyuudha, ol-fageessu;
Gadaamessi haadhaa, inni yeroo ulfaa;
Haqa Oromoo tiiysa, iftoomina kolfaa!
-/-
Dhiinnee isa keessaa bahuuf, bara beelaa;
Hanquu qaama keennaa, hunduma meelaa;
Miilli keenna naafee, uleelleen lafa hokkollu;
Sammuun keenna fayyaa, ormaa hin hoffollu!
-/-
Qalbiin nagaa qabna, ijaan waa cufa agarraa;
Iyyinuufi calโifnullee, bara beelaa nidabarraa;
Maraan tokko taanee, gara tokkotti qajeelaa;
Rasaasnuu wal-tahee.., ergama isaa haleelaa.
-/-
Habaaboo hadhooftuu, ramaxaan maranii;
Hawwii ilmoo namaa, beelan sukkuumanii;
Gabrichi rabbii guddaa, kan dhugaan jiraatu;
Iftoomumaan leโaa, ofittummaa hin sooratu!
-/-
Eelee itti cabee, qaama kiyya itti miidhame;
Eegee irraa dhabee, waa baayโee saamame;
Jiruu kiyya isa harโaatiif, kan sababa taโanii;
Dhiyadhee na soomsisan, garaa of gaโanii!
-/-
Haafa bara quufaa, tokkollee hin hubannuu;
Quufa bara beelaa, kamittuu hin dubbannuu;
Jireenna qananiifi sadoo, jaalalaan simatanii;
Quufa bara beelaa, wayyoo tasan himatanii!
โญโญโญโญโญ
Risaa Bokkaa Mooye (2018 - ๐ฆ
) irraa!
(https://Kadiir.com)





